रगत मानवसहित सबै थरी प्राणीहरुमा पाइने एक प्रकारको तरल पदार्थ हो, जसमा शरीरका लागि आवश्यक पोषक तत्वहरु रहेका हुन्छन् । शरीरका हरेक काेशिकाहरुमा रगत पुगेको हुन्छ तर शरीरको एउटा यस्तो भाग छ जहाँ रगत नपुगे पनि काम गर्न सक्छ । त्यो भाग हो हाम्रो आँखाको कर्निया (Cornea) ।
के हो त कर्निया ?
कर्निया आँखाको अगाडीको पारदर्शी भाग हो, जसले प्रकाशलाई भित्र जान दिन्छ र फोकस गर्न मद्दत गर्दछ । यस भागले लेन्सको जस्तो काम गर्छ र दृष्टि (Vision) को लागि अत्यन्तै महत्वपूर्ण छ ।
कर्नियाले रगत किन पाउँदैन ?
कर्नियामा रक्त नली (Blood Vessels) हुँदैन । यसको कारणहरु निम्न छन्ः
क) कर्निया पूर्ण रुपले पारदर्शी हुनुपर्छ ताकि प्रकाश आँखाभित्र पसाेस् । यदि त्यहाँ रक्तनलीहरु भएको भए प्रकाश छिर्न पाउँदैन थिए र दृष्टि अस्पष्ट हुने थियो ।
ख) कर्नियाको भाग नरम र पारदर्शी हुने भएकोले रक्तनलीहरुमा सजिलै विभिन्न ब्याक्टेरिया तथा भाइरसले आक्रमण गर्न सक्छ, जसले प्रतिरक्षा प्रणाली कमजाेर हुने र कर्नियामा गम्भीर असर पुग्न सक्छ । यस कारणले गर्दा कर्नियामा रक्त नली हुँदैन । रक्त नली बिना रगत जान नसक्ने भएको कारण कर्नियाले रगत पाउँदैन ।
कर्नियाले आवश्यक पोषण कसरी पाउँछ ?
कर्नियाले रगत नपाए पनि आवश्यक अक्सिजन र पोषक तत्व निम्न स्रोतबाट लिन सक्छः
क) आँसुबाट अक्सिजन र केही पोषक तत्व कर्नियामा पुग्छ ।
ख) हाम्रो आँखाभित्री भागबाट एक खालको तरल पदार्थ निस्कने गर्छ जस्ले कर्नियालाई पोषक तत्व मिल्ने गर्दछ ।
ग) कर्निया शरीरको त्यस्तो अंग पनि हो जसले हावाबाट अक्सिजन सोस्न सक्छ यसैबाट कर्नियाले पोषक तत्व लिन सक्छ ।
हावा, आँसु र आँखाको भित्रको तरलबाट पाेषक तत्व र अक्सिजन प्राप्त गर्ने क्षमता भएकाले मानव शरीरमा कर्नियाले जीवन्त रुपमा कार्य गर्छ । यसको रगतविहिन प्रकृति नै यसलाई पारदर्शी र दृष्टिको लागि उपयुक्त बनाउँछ ।
